Pass se baba ji ke darshan karne wale yeh sakhi Jarrur padhe

Bahut saal pehle ki baat h, baba ji k pas se dershan karne k liye log subah subah 3-4 baje hi pandal ( satsang shed) me ja kr baith jaya karte the. Ek aadmi bhi subah subah pandal me ja k baith gaya taki baba ji k bahut kareeb se darshan kr sake, use jagah bhi baba ji ki stage k ekdum samne mil gai, wo bahut hi jyada khush tha us din. Aur be-sabri se satsang shuru hone aur baba ji k aane ka intzaar karne laga. Subah jaldi baith Jane k karan satsang shuru hone tak kai hours lagataar baithna padta tha. Itne hours baithe rahne k karan us aadmi ko satsang shuru hone se pehle bathroom jana pada aur wo pandal se bahar nikal gaya. Sevadaron ne unke hath per nishan bana k unko bhej diya tha ki wapas aake apni jagah per baith jana.
Per badkismati se jab wo aadmi laut k aaya to baba ji stage pe virajmaan ho chuke the isliye sevadaron ne unhe aage ni jane diya aur pandal k end me hi baithne ko kaha, us aadmi ne bahut minnat ki ki wo subah se baitha h aur ab use aage hi Jane diya jaye per sevadaron ne unki koi baat

ni suni. Us aadmi ne bahut koshish ki aage Jane ki but uski baat kisi ne nai suni aur unhe jabardasti pandal k aakhir me sabse peeche bitha diya. Us aadmi ko is baat se itna dukh laga k wo pure satsang me rota hi raha…… Sevadaron ne bahut samjhaya per unke aansu ruk hi nai rahe the…. Aur wo lagataar rote rahe. Satsang ka ek shabad b unhone ni suna. Jab satsang khatam hua to log uth gaye lakin wo aadmi wahi baith k Rota raha…. Baba ji ne sevadaron ko kah k us aadmi ko apne pas bulaya aur uske dono kandhon pe hath rakh k kaha…. Tujhe darshan karne the na, to le ab kar jitne b darshan karne hai.
Lakin aaj k baad pandal me itni subah aake nai baitha. Tabse pandal me itni jaldi sangat ko Jane ni diya jata.
Mere satguru sabke dil ka haal jante hai….. Bus hum hi hai jo unke liye tadapna ni jante ……. Radha soami ji🙏🏻🙏🏻🙏🏻👏🏻👏🏻🌼
Baba jaimal singh ji

Updated: July 15, 2017 — 11:05 am
Radha Soami Satsang Beas (RSSB Satsang) © 2017 RssbSatsang.com
error: Content is protected !!