Home / Beautiful Lines / Kya aapko Naamdaan milega Read here all your doubts …

Kya aapko Naamdaan milega Read here all your doubts …

Kya Aapko Naamdaan Milega..? Aur Kya Naamdaan Ke Baad Aur Bhi Janam Milenge.?*
*Guru Ke Liye Intzaar*
*Prateeksha aur Dheeraj ruhaani safar ka hi ek ang hai. Kuchh log bahut lambe samay ke liye intzaar karte hain. Hum mein se bahut se log kai shataabdiyon tak, kai laakho janmo tak is manav janam ka, is avsar ka intezaar karte hain. Par aaj jab humein manushy ka janm mil chukka hai to hamein ehsaas tak bhi nahi hain ki hamein maalik ne kitni anmol daat se navaaza hain. Hamein ehsaas bhi nahin hota ki is janm ke liye, is avsar ke liye humne kai laakho janmo ka intzaar kiya hai, itne lambe samay ke intzaar ke baad aaj humein ye avsar mila hai.*
*Parantu ek sachhe aur puran guru ka milna aisa hai ki iske aage to hamara lakho saal tak ka intzar bhi bahut kam hai. Jitna bhi intzaar kyu na kiya jaaye, wo ek puran guru ke milne ke aage bahut jyada nahin ho sakta. Kyonki ek puran guru ka milna poori tarah se hamare aage aane waali zindagi ka balki janmo ka badlaav hai.*
*Kya Hamein Naamdaan Milega.?*
*Yahan hamein ye baat bhali prakar se samajh leni chahiye ki puran guru ke milne se bhaav naamdaan ka milna nahin hain. Yadi hum keval ek baar puran guru ko bus dekh hi lete hain, yaani darshan hi kar lete hain, to bhi is baat ki guarantee hain ki ek na ek din hamein naamdaan jaroor hi milega. Haan is baat ki guarantee nahin hain ki isi janm mein hi milega. Ho sakta hain ki hamein naamdaan ke liye aane waale kuchh janmo ka intezaar bhi karna pade.*
*Parantu yadi hum dekhe to hum kai laakho saalo se isi ki hi to wait kar rahe the. Isliye hi kaha gaya ki kitni bhi wait kyo na ki jaaye, puran guru ke milne ke liye vh jyada nahin ho sakti. Kyonki puran guru ke milne ke baad ek na ek din to naamdaan jaroor hi milega.*
*Darshan Aur Drishti Ka Antar*

*Ab yahan prashn uthta hai ki darshan aur drishti ka matlab to dekhna hi hai, fir yahan dono ko alag alg kyon mention kiya gaya.? Shabd ki drishti se dono ka matlab dekhna hi hai par sant mahatma dono mein bahut jyada antar batate hain.*
*Darshan wo hain jab hum puran guru ko prem se dekhe. Parantu Drishti sant mahatma usey kehte hain jab puran guru hamari aanko mein aankhein daalkar hamein dekhte hain.*
*Naamdaan Ke Baad Ke Janam*
*Yadi hamein naamdaan mil chukka hai, to ye hamari zindagi ki sabse sukhad ghatna hai. Kyonki naamdaan ke baad se hi hamara hisaab kitaab kaal se akaal yaani sant satguru ke paas aa jata hai. Bhav yeh hai ki naamdaan ke baad se hi hamare sinchit karmo ka jimma aur aage ke karmo ka hisaab kitaab sab guru hi dekhta hai.*
*Yadi naamdaan ke baad kisi manushy ki death hoti hai to kaal ke doot usey lene nahi aate. Puran guru khud hi aatma ko lene aate hain aur puran guru hi decide karte hain ki aatma ko ab kahan par rakha jaaye.*
*Yadi jeev ne puran guru ka kaha nahin maana hota, bhajan simran nahin kiya hota to usey fir se ek janm diya jata hai taki jeev is janm mein bhajan simran kar jeete jee hi sach-khand tak pahunch sakey. Parantu yadi jeev ne guru ka kaha maana hota hai aur bhajan simran ko poora waqt diya hota hai, to wo jeev dobara janm nahin pata, ek baar bhi nahin, kyonki wo jeev jeete jee hi mukti paa chuka hota hai.*
*Yadi satguru jeev ko dobara janm dete bhi hain to jeev ko aisi jagah janm diya jata hai jahan jeev ko bhajan simran mein mojuda haalat se jyada ache haalat mil sakein.*

error: Content is protected !!