Delhi Satsang by Baba Ji

Delhi satsang:-satsang mein Baba Ji ne kaha ke”Tum Log kehte ho ke Is Janam mein nahi to agle Janam mein bhajan simran kar lenge, Oh bhai…tumhe kya pata ke yeh tumhara kaun sa Janam hai… Hum sansar mein kisi ki kitni galtian maaf karte hain? Kya pata woh malik hamari kitni galtian maaf kar raha hai….lekin maafi bar bar nahi milti.. Hazoor Maharaj ji ne sari jaat paat ki deewaren mitani ki koshish ki to humne nayi deewar khadi kar li, satsangi aur gair-satsangi ki deewar. O Bhai…satsangikehte kise hain..Jisne sach ka sang kar liya woh satsangi hai. Agar hum chahte hain ke koi hamari soch ki kadar kare to hame unki soch ki bhi kadar karni chahiye. Hum apne jaan pehchan walon ko kehte hain ke tum bhi naam daan le lo, humne kya haasil kar liya hai ab tak
naam dan lekar? Agar koi khud doob raha hai to woh dusre ko sahara kaise de sakta hai.

Islayi bhai, khud misal ban ke dikhao.. Hum keh dete hain ke shabad to har baar wahi
liye jate hain. Jab bacha school mein admission leta hai to use pehle ABC sikhayi jati hai, jab tak woh ABC nahi sikhta , use baki cheezen nahi sikhai ja sakti….isliyesatmant ke asool pehle samjhaye jate hain. Hum keh tete hain ke Malik to daya ka sagar hai to phir itni tabahi kyun ho rahi hai, itna dukh kyun hai. Agar 5 saal ka bacha teacher se kahe ke mujhe Einstein’s ki theory samjha do, to teacher chahe kitni hi simple language mein samjhane ki koshish kare , use woh theory samajh nahi aa sakti. Hame apni to pehchan hai nahi aur hum chale hian malik ki pehchan karne. Jab hum bhajan simran karange to hume dheere dheere sojhi(samajh) ane lagegi “

Updated: September 20, 2017 — 9:25 pm
Radha Soami Satsang Beas (RSSB Satsang) © 2017 RssbSatsang.com
error: Content is protected !!