Home / Sakhi / Bhagwan par Vishwas par sakhi last sunday satsang vich

Bhagwan par Vishwas par sakhi last sunday satsang vich

Bhagwan par Vishwas….
aaj subah se hee badee baichainee ho rahee hai, pata nahin kya baat hai.saumya ko taiyaar karake skool bhej diya aur nahaane chalee gayee. aakaar pooja kee taiyaaree kar ke pooja karane jaane hee vaalee thee kee patidev aaye aur bole yaar jaldee naasta bana do, aaj bos ne jaldee bulaaya hai, lanch vahee kar loonga. itanee jaldee, mainne poochha? haan yaar koee jarooree meeting hai kahakar vo nahaane chale gae. pata nahin kyon baichainee jyaada ho rahee thee, bade hee anamane man se naashta banaaya, ye khaakar ophis ke lie nikal gae. jaldee se sab rakhakar haath paanv dhoye aur bhaagee poojaaghar kee taraph.
mere kaanha! mere sabase achchhe dost, unase apane man kee har baat kah detee hoon main , phir dar nahin lagata jaise unhonne sab sambhaal liya ho.
prabhu bada dar lag raha hai,aap hee batao na kya baat hai, aisa kabhee to nahin lagata. vaise aap ho to kaahe kee chinta? sabaka bhala karana prabhu, ham sab par krpa banaaye rakhana.
“shree baanke bihaaree teree aaratee gaoon, he giradhaaree teree aaratee gaoon. ” aaratee gaane mein jaane kaise kho see jaatee hoon main. pooja karane ke baad ghar ke kaam nipataane me lag gayee, jaise sab theek ho gaya ho,bada halka mahasoos kar rahee thee.
thodee hee der mein daravaaje kee ghantee bajee, dekha to pados vaalee aantee ankal bade pareshaan se khade the. aaiye aaiye, andar aaiye na, mainne kaha. par unhonne kaha aaj ravi( mere hasbaind) mila tha, kah raha tha jarooree kaam hai, subah 8:30 kee train pakadane vaala tha. jee ankal, par baat kya hai, mainne ghabaraate hue poochha? aantee achaanak hee rone lagee bolee us lokal mein to bam blaast ho gaya hai , koee nahin bacha. mere aasapaas to andhera hee andhera chha gaya, meree

kya haalat thee, shavdon mein bayaan nahin kar pa rahee hu.
seedhe daudate hue kaanha ke paas gayee, unhen dekha to laga aisa nahin ho sakata. bas vahee baithe baithe kaanha kaanha karane lagee tabhee mera mobail baja jo aantee ne uthaaya aur khushee se chillaayee, beta ravi ka fon hai, vo theek hai. mainne aankh kholakar kaanha jee ko dekha, laga vo muskura rahe hain, main bhee muskura dee. inakee aavaaj kaano mein padee to laga jaise abhee abhee pyaar ho gaya ho, aap bas jaldee aa jaie, itana hee bol paayee.
ye ghar aaye to main aise gale lagee jaise kisee ka lihaaj hee na ho,thodee der mein ankal ne poochha ,hua kya tha beta, tum train mein nahin gae kya? nahin ankal, bas yahee mod par ek bahut hee sundar ladaka mil gaya tha,saath saath chal raha tha, mainne poochha, kaha rahate ho, pahale kabhee to dekha nahin tumako? kahane laga yahee to rahata hoon. aap kahaan rahate ho? mainne bataaya ki main shivam bilding mein rahata hoon, ophis ka bhee bataaya.usane bataaya ki vo mere ophis ke paas hee ja raha hai, lekin taiksee se, aur kahane laga aap bhee kyon nahin chalate mere saath, mainne kaha nahin, thainkyoo, main train se jaata hoon. ab vo zid karane laga bola mujhe achchha lagega agar aap chalenge to vaise bhee taiksee ja to rahee hai na us taraph. mainne bhee socha chalo theek hai, aaj taiksee se sahee, kam se kam train kee dhakka mukkee se to bachoonga. aur ham logo ne ek taiksee kar lee.
mujhe dekhakar ye bole, yaaminee pata nahin kya jaadoo tha us ladake mein kee bas main khincha chala ja raha tha, bahut hee pyaara hai vo.aaj jaisa mujhe pahale kabhee nahin laga.
main bhaagee kaanha kee taraph, mere sabase achchhe dost ne aaj mere pati ke saath meree jaan jo bacha lee thee,vo abhee bhee muskura rahe the. thank you dost…. “bhakit mein hee shakit hai” raadhe raadhe jee likhana hee padega jee

error: Content is protected !!