Home / Satsang / Babaji’s Mumbai Satsang – 7th March 2018

Babaji’s Mumbai Satsang – 7th March 2018

Babaji’s Mumbai Satsang Programme – 7th March 2018
Babaji ne har baar ki tarah is baar bhi bhajan simran par bahut zor daala ki bhajan simran karo tabhi is sansaar ke chakra aur janam maran se chutkara milega nahi to possible nahi, aur mann ko kaabu karna hai to bhajan simran karo jaise uska ras mann ko milta rahe aur ye sansaar ke rang feeke padte jayenge dheere dheere mann kaabu mein aana shuru hoga aur humein hamesha apne andar jaakar shabad dhun sunne ka prayas jaari rakhna hai jo 24 ghante hamare andar chal rahi hai, bade bade rishi muni mann ke chakkar mein aakar apni siddhiyaan khokar baith gaye jaise raavan bahut gyaani tha lekin ahankar ne use khatam kar diya, isliye hum aaj bhi raavan ka putla jalate hain, bahut sant sadhu jungle aur pahado par chale gaye ye sochkar ki na duniya ko dekhenge aur na koi rang lagega, lekin wahan jaakar kya khaane ko roti, pehenne ke liye kapde ya rehne k liye ghar nahi lagega kya, uske liye fir doosro se maangna padega, isliye yahin rehkar humein apne mann ko bhajan simran mein dhyaan dekar teesre til par tikane ki koshish jaari rakhni hai aur khud hi is

sansaar ke ras feeke padne lagenge aur apne parivaar ki jimmedaariyaan bhi nibhati jaani hai nahi to karam nahi katenge, ache karmo ka fal ho ya bure karmo ka dono k liye humein yahan dobara aana padega, isliye mukti chahiye to sirf aur sirf bhajan simran karo, hum ache karam karenge to uska fal bhi hume milega jaise raja ya maharaja ban jayenge aur bure karmo k liye bhi humein aana padega hisaab dene k liye, isliye karam kaand se bachne k liye bhi bhajan simran karo, babaji ne kaha ki bahar mat dekho andar jhaanko andar sab milega.
Humein kabhi bhi maalik ke naam par dikhava nahi karna chahiye bas maalik hamare andar hain humein andar jaakar dekhne ka prayaas karna hai yahi babaji ne kaha, humein marne ke baad kuch kaam nahi aanewala bas ek naam hai jo saath jaanewala hai, baaki sab yahin reh jayega, isliye naam ki kamayi karo yahi babaji ne kaha, maalik zaroor bakshish karenge kyunki wo bakhshanhaar hain bas humein apna character saaf rakhna hai, mann to humein yahi kahega ki galat raaste par jaao par sab hamare upar depend karta hai ki hum kahan jaate hain, agar hum sahi raasta chunenge to maalik zarur bakhshish karenge.
Radhasoamiji ?

error: Content is protected !!