Home / Real Story / Baba ji ne Raja ki bahut real story sunai read here

Baba ji ne Raja ki bahut real story sunai read here

ek raaja tha. usane ek sapana dekha. sapane mein usase ek paropakaaree saadhu kah raha tha ki, beta! kal raat ko tumhen ek vishaila saamp kaatega aur usake kaatane se tumhaaree mrtyu ho jaegee. vah sarp amuk ped kee jad mein rahata hai. vah tumase poorv janm kee shatruta ka badala lena chaahata hai.
subah huee. raaja sokar utha. aur sapane kee baat apanee aatmaraksha ke lie kya upaay karana chaahie? ise lekar vichaar karane laga.
sochate- sochate raaja is nirnay par pahuncha ki madhur vyavahaar se badhakar shatru ko jeetane vaala aur koee hathiyaar is prthvee par nahin hai. usane sarp ke saath madhur vyavahaar karake usaka man badal dene ka nishchay kiya.
shaam hote hee raaja ne us ped kee jad se lekar apanee shayya tak phoolon ka bichhauna bichhava diya, sugandhit jalon ka chhidakaav karavaaya, meethe doodh ke katore jagah jagah rakhava diye aur sevakon se kah diya ki raat ko jab sarp nikale to koee use kisee prakaar kasht pahunchaane kee koshish na karen.
raat ko saamp apanee baambee mein se baahar nikala aur raaja ke mahal kee taraph chal diya. vah jaise aage badhata gaya, apane lie kee gaee svaagat vyavastha ko dekh dekhakar aanandit hota gaya. komal bichhaune par letata hua manabhaavanee sugandh ka rasaasvaadan karata hua, jagah-jagah par meetha doodh peeta hua aage badhata tha.
is tarah krodh ke sthaan par santosh aur prasannata ke bhaav usamen badhane lage. jaise-jaise vah aage chalata

gaya, vaise hee vaise usaka krodh kam hota gaya. raajamahal mein jab vah pravesh karane laga to dekha ki praharee aur dvaarapaal sashastr khade hain, parantu use jara bhee haani pahunchaane kee cheshta nahin karate.
yah asaadhaaran see lagane vaale drshy dekhakar saamp ke man mein sneh umad aaya. sadvyavahaar, namrata, madhurata ke jaadoo ne use mantramugdh kar liya tha. kahaan vah raaja ko kaatane chala tha, parantu ab usake lie apana kaary asambhav ho gaya. haani pahunchaane ke lie aane vaale shatru ke saath jisaka aisa madhur vyavahaar hai, us dharmaatma raaja ko kaatoon to kis prakaar kaatoon? yah prashn ke chalate vah duvidha mein pad gaya.
raaja ke palang tak jaane tak saamp ka nishchay pooree tarah se badal gaya. udhar samay se kuchh der baad saamp raaja ke shayan kaksh mein pahuncha. saamp ne raaja se kaha, raajan! main tumhen kaatakar apane poorv janm ka badala chukaane aaya tha, parantu tumhaare saujany aur sadvyavahaar ne mujhe paraast kar diya.
ab main tumhaara shatru nahin mitr hoon. mitrata ke upahaar svaroop apanee bahumooly mani main tumhen de raha hoon. lo ise apane paas rakho. itana kahakar aur mani raaja ke saamane rakhakar saamp chala gaya.
*sankshep*
*yah mahaj kahaanee nahin jeevan kee sachchaee hai. achchha vyavahaar kathin se kathin kaaryon ko saral banaane ka maadda rakhata hai. yadi vyakti vyavahaar kushal hai to vo sab kuchh pa sakata hai jo paane kee vo haardik ichchha rakhata hai.*

error: Content is protected !!