Home / Motivational Thing / Baba ji ne bataya kese Simran kare

Baba ji ne bataya kese Simran kare

hamesha kee tarah simaran karate hue apane kaary mein tatleen rahane vaale bhakt ravidaas jee aaj bhee apane jootee gaanthane ke kaary mein tataleen the
are,,meree jootee thodee toot gaee hai,,ise gaanth do,,raah gujarate ek pathik ne bhagat ravidaas jee se thoda door khade ho kar kaha
aap kahaan ja rahe hain shreemaan? bhagat jee ne pathik se poochha
main maan ganga snaan karane ja raha hoon,,tum chamade ka kaam karane vaale kya jaano ganga jee ke darshan aur snaan ka mahaatam,,,
saty kaha shreemaan,,ham malin aur neech logo ke sparsh se paavan ganga bhee apavitr ho jaegee,,aap bhaagyashaalee hain jo teerth snaan ko ja rahe hain,,bhagat jee ne kaha
sahee kaha,,teerth snaan aur daan ka bahut mahaatam hai,,ye lo apanee mehanat kee keemat ek kodee,, aur meree jootee meree taraph phenko
aap meree taraph kaudee ko na phenkie,, ye kaudee aap ganga maan ko gareeb ravidaas kee bhent kah kar arpit kar dena
pathik apane raah chala gaya,,ravidaas punah apane kaary mein lag gae
apane snaan dhyaan ke baad jab pathik ganga darshan kar ghar vaapis chalane laga to use dhyaan aaya
are us shudr kee kaudee to ganga jee ke arpan kee nahee,,naahak usaka bhaar mere sir par rah jaata

aisa kah kar usane kaudee nikaalee aur ganga jee ke tat par khada ho kar kaha
he maan ganga,,ravidaas kee ye bhent sveekaar karo
tabhee ganga jee se ek haath pragat hua aur aavaaj aaee
lao bhagat ravidaas jee kee bhent mere haath par rakh do
hakke bakke se khade pathik ne vo kaudee us haath par rakh dee
hairaan pathik abhee vaapis chalane ko tha ki punah use vahee svar sunaee diya
pathik,,ye bhent meree taraph se bhagat ravidaas jee ko dena
ganga jee ke haath mein ek ratn jadit kangan tha,,
hairaan pathik vo kangan le kar apane gantavy ko chalana shuroo kiya
usake man mein khyaal aaya
ravidaas ko kya maaloom,,ki maan ganga ne usake lie koee bhent dee hai,,agar main ye beshakeematee kangan yahaan raanee ko bhent doon to raaja mujhe dhan daulat se maalaamaal kar dega
aisa soch usane raajadarabaar mein ja kar vo kangan raanee ko bhent kar diya,,raanee vo kangan dekh kar bahut khush huee,,abhee vo apane ko milane vaale inaam kee baat soch hee raha tha ki raanee ne apane doosare haath ke lie bhee ek samaan doosare kangan kee pharamaish raaja se kar dee
pathik,,hame isee tarah ka doosara kangan chaahie,,raaja bola
aap apane raaj jauharee se aisa hee doosara kangan banava len,,pathik bola
par is mein jade ratn bahut durlabh hain,,ye hamaare raajakosh mein nahin hain,,agar pathik is ek kangan ka nirmaata hai to doosara bhee bana sakata hai,,,,raajajoharee ne raaja se kaha
pathik agar tum ne hamen doosara kangan la kar nahin diya to ham tumhe mrtyudand denge,,raaja gurraaya
pathik kee aankhon se aansoo bahane lage
bhagat ravidaas se kiya gaya chhal usake praan lene vaala tha
pathik ne saara saty raaja ko kah sunaaya aur raaja se kaha
keval ek bhagat ravidaas jee hee hain jo ganga maan se doosara kangan le kar raaja ko de sakate hain
raaja pathik ke saath bhagat ravidaas jee ke paas aaya
bhagat jee sada kee tarah simaran karate hue apane dainik kaary mein tattaleen the
pathik ne daud kar unake charan pakad lie aur unase apane jeevan rakshan kee praarthana kee

bhagat ravidaas jee ne raaja ko nikat bulaaya aur pathik ko jeevanadaan dene kee vinatee kee
raaja ne jab pathik ke jeevan ke badale mein doosara kangan maanga
to bhagat ravidaas jee ne apanee neeche bichhaee chataee ko hata kar raaja se kaha
aao aur apana doosara kangan pahachaan lo
raaja jab nikat gaya to kya dekhata hai
bhagat jee ke nikat jameen paaradarshee ho gaee hai aur us mein beshakeematee ratn jadit asankhy hee kangan kee dhaara aviral bah rahee hai
pathik aur raaja bhagat ravidaas jee ke charanon mein gir gae aur unase kshama yaachana kee
prabhu ke rang mein range mahaatma log,,jo apane dainik kaary karate hue bhee prabhu ka naam simaran karate hain un se pavitr aur bada koee teerth nahee,,,
unhen teerth ved shaastr kya vyakhyaan karenge unaka jeevan hee ved hai unake darshan hee teerth hain
gurabaanee mein kathan hai
saadh kee mahima bed na jaanai
jeta sunah,, teta bakhyaanhee.

error: Content is protected !!